「To the moon。」 源自加密貨幣同 meme coin 社群嘅內部語言。 最初只係一句帶少少自嘲、 帶少少希望嘅說話： 呢隻幣，會升到癲。
到咗 2020 年尾、2021 年， COVID 令全世界困喺屋企。 股市升。 加密貨幣升。 連平時唔講投資嘅人，都開始講股票同幣。
「To the moon」 由一個小圈子笑話， 變成 Reddit、狗狗幣、 Gamestop、 Elon Musk 共同催生嘅全民口號。 打開手機，係火箭 emoji。 打開群組，係「To the moon」。 短短一年， 變成一整代人嘅集體信仰。
同一時間， 美國有個九十幾歲嘅老人家， 喺公開場合一次又一次咁鬧。 查理・芒格唔鍾意加密貨幣。 非常唔鍾意。 佢話，呢類嘢像一場 莊家有近乎百分百優勢嘅對賭。
佢仲話:「有人賣**俾你，你都仆住去搶。 」
嗰陣我聽完， 覺得呢個老人家係咪唔識新科技。 全世界都數緊錢。 你講啲咁嘅嘢？
後來我問咗自己一條問題： 去到月球之後，然後呢？
我先察覺，「To the moon」其實只成功咗一半。
因為去月球， 只是任務的前半段。 太空人真正嘅任務， 永遠有個更重要嘅後半段： 安全返返嚟。 你去得幾遠，去得幾快， 如果冇一條返轉頭嘅路， 個任務就係失敗。
芒格當年畀好多人笑 「死老嘢唔識新科技」。 大家只顧衝去月球， 好少人問： 然後呢？ 更少人準備好回程嘅燃料。
後來 FTX 爆煲， 加密市場入咗寒冬。 好多以為自己搭上火箭嘅人， 先發現架船原來 冇留燃料畀佢返嚟。
到嗰陣，我先明白芒格點解咁口硬。
BECAUSE TIME WILL ALWAYS TELL.
佢最鍾意講： Invert, always invert. 反過來想。
唔問 「呢樣嘢可以升到幾高？」 先問 「行咗呢步，返唔返到轉頭？」
LEGEND之所以係LEGEND， 唔係因為佢講過幾多金句。 而係佢揀中咗一條問題， 可以跨過好幾個周期， 仍然適用。 人可以走。 問題會留下來。 唔止 to the moon， 仲要記得 back to home。 去程。 回程。 兩樣都要識。
中環呢個資本江湖， 好多人出事，未必係因為一次大錯。 而係因為太耐冇問過佢自己：行咗呢步，然後呢？ 返唔返到轉頭？
當年Bitcoin 嘅狂熱，結果呢？
今日 SpaceX , SK hynix, 緊隨其後。
OpenAI來勢洶洶 然後呢？
Time will tell.
《Lattice and Moat》